Недостатоците во образованиот систем на Република Македонија се значителни и претставуваат главна пречка за намалување на невработеноста, развој на економијата и промовирање на социјалната кохезија. Образованието во Македонија се соочува со два големи проблема, а тоа се подигање на нивното на релевантност на образованието и подобрување на квалитетот за да може да се соочи со предизвиците на 21 век. Заради тоа, образованието е голем приоритет за Владата на Република Македонија и УСАИД, бидејќи недостатокот на вештини за вработување значително го попречува економскиот развој и ја доведува во прашање европската иднина на Македонија.

Уште од 2001 година, УСАИД спроведува програми на сите нивоа во образовниот систем, од градинка до универзитет. Овие програми се насочени кон шест клучни области: 1) Зајакнување на основните вештини и критичкото мислење кај студентите, 2) обучување на 10.000 наставници за модерни методи на настава, 3) обучување на постарите студенти со практични бизнис вештини, 4) зголемување на пристапот до Информатичката и комуникациска технологија (ИКТ), вклучително и активности со кои Македонија ја доби титулата „Прва земја во светот со безжичен пристап до интернет“, 5) обезбедување образовна поддршка на ромските ученици и 6) основање на Универзитетот на Југоисточна Европа, првиот мулти-етнички, мулти-јазичен универзитет во регионот.