USAID MACEDONIA Економски Развој OFFICE

Економските реформи во Македонија стабилно напредуваат, но економијата треба допрва да покаже дека има постигнато доволен напредок за да може целосно да се интегрира во ЕУ и глобалните пазари.Корупцијата, недостатокот на финансиски средства и нејасната регулаторна околина го попречуваат економскиот раст и ги забавуваат странските инвестиции, што пак резултира со висока стапка на невработеност.

Уште од 1993 година, УСАИД работи заедно со македонската Влада и приватниот сектор на забрзување на економскиот раст и зголемување на веројатноста за зачленување на Македонија во ЕУ. УСАИД одигра главна улога во пристапувањето на Македонија кон Светската трговска организација во 2003 година и усвојувањето на новите Закони за електронски комуникации, финансиски друштва, Јавни набавки и Инвестициски фондови. Напорите за воспоставување на процесот на едношалтерски систем за увоз и извоз и воведувањето на интернет апликации за добивање царински дозволи ќе ги подигне македонските трговски практики на ниво на меѓународните стандарди и ќе го олесни нејзиниот пристап кон глобалната економија.

УСАИД го подобри пристапот до финансиски средства за компаниите и општините со основањето на Одделението за гаранции за заеми за развој, кое располага со 20 милиони долари, кои не само што ќе го мобилизираат приватниот капитал, туку ќе ги притисне и банките да започнат да работат со клиентела која е различна од сегашната и да се креираат јавно-приватни партнерства.

Движејќи се напред, стратегијата на Мисијата за Економски Развој има две страни – да работи на макроекономско ниво заради подобрување на глобалното деловно опкружување и инвестициската политика, и истовремено да им помага на индивидуалните фирми и на агрибизнисот да ја зголемат нивната конкурентност и продуктивност. Како комплементарни активности, овие иницијативи ќе ги охрабрат и странските ин домашните инвеститори да дојдат во Македонија, што ќе отвори нови пазари и ќе креира нови работни места за македонските граѓани.

Подолу ќе најдете детални информации за нашите проекти.Ве молиме, директно контактирајте нè за какви било прашања или коментари!

Joseph Lessard, Директор на канцеларијата за економски развој, jlessard@usaid.gov
Мери Цуцулоска mcuculoska@usaid.gov
Татјана Марковска tmarkovska@usaid.gov
Маргарета Липковска Атанасов mlipkovska@usaid.gov
Весна Стевковска vstevkovska@usaid.gov